DOWN!!!

對於同事被炒, 心情仲未平復, 令我更心切體會到打工係等如將自己既命運放響老闆身上, 為求自保, 你冇辦法唔委曲求全, 冇辦法唔踩住上, 我再一次認清楚我既方向.
由2009中一開始黎呢間公司, 人工其實唔高, 仲係只不過多同我一齊入職fresh grad既同事1000蚊, ,
呢間公司可以實現我做由零開始start up 一個 business 既夢想, 響呢度, OT 爆, 仲要受埋d煩同事騷擾, 我呢個同事Y小姐, 香港某紅磡大學畢業, 第一份工in 就入黎做, 一張白紙, 但口口聲聲稱接受唔到冇10k, 又話probation 過後冇10k一定走, 3個月後, 但上到9k, 問我”你接受到冇10k?”以為我同佢人工一樣, 又話而家搵緊工, 問我幾時走, 一開始時, 人地幾點走, 佢就幾點走, 見到我做其他野, 就打爛沙盤問到篤, 問我做緊咩, 可唔可以教佢, 最撚離譜係, 公司有opening,佢叫晒d friend 黎in, 老細都爆”黎玩呀”, 去公幹時, 問我唱左幾多錢, 列晒清單要買乜買物, 買晒旅遊書,
以為自己去玩….成日問我幾時走…救命!!!!!!!!!
自從我於數月前, 我已調去發展新項目, 本來以為終於擺脫煩人煩事, 經過3個月不斷開荒, 幫我手既人係完全out of control, 搞到我崩潰, 即將完成準備之際, 點知, 尋日同我講暫停, 然後叫我做番以前d野.好down, 好彩, 份人工冇變, 做唔到我想做既野, 我真係好down…..我忍左好耐……結果係…咁…我應該走定留????????
之前C師傅批我一定搞唔成, 我之前死都唔信, 覺得佢好流, 佢仲批果個Y同事更會踩住我上, 叫我最好2-3月轉工, 會有更好發展 但係某師兄又話叫我定d黎, 我會冇野…冇人會威脅到我…..
究竟邊個先真???????????????????????

又炒人???今日真係谷底

今日真係好PK, 我真係XYZ我老細…炒左我個同事!!!!炒夠未????一年炒3個, 都痴線!!最唔要得係…靠少少導火線, 順使鬧鑊勁先"烹"人走, 一d風度都冇, 我真係唔敢幫你打工!!!!!!!!!!!

又話hold住我檀project..我既人生即時趺落谷底…..明天再續

當事業與愛情不成功時-C小姐的故事

當事業與愛情不成功時-C小姐的故事
C小姐, 我既中學同學, 中學時佢係我唯一既朋友, 我個人係冇乜朋友, 佢同我十分投契, 所以我都十分珍惜呢個朋友
自從我去左外國讀書, 佢亦北上讀書, 各自番香港後, 已經少左聯絡, 不過友情仍然不變…但最近…唔知係我變定佢變…..加上佢再冼我一鑊….已經再冇知心既感覺 講起呢個朋友, 佢俾人既感覺係, 活響自己世界悠然自得, 懶洋洋似貓一樣既感覺, 永遠係佢搵你你搵佢唔到.
最近佢頻頻打黎..傾訴佢既苦惱….
話說佢年幾前, 由銀行界轉做政府工, 一心諗住有個鐵飯碗, 坐定粒六,點知人算不如天算, 佢得罪左個同部門老屎忽,
個老屎忽不斷響老細面前講佢壞話, 楝C小姐十九幾鑊, 搞到老細出面叫佢自己走, C小姐一做錯野, 即刻影低其罪證, 以便用作呈堂證物, 等佢冇得過probation, 個朵臭到隔離部門都知, 同事對佢避之則吉, 更有人聯群結隊杯葛佢, 更有同事響佢面前話要打佢小人, 雖然接近崩潰, C小姐仍然當冇事, 一於頂硬上. 背地裡搵人訴苦, 終於找上我.
問佢點解唔走, 佢既解釋係, 佢好難搵到工, send左n份resume出去都冇feedback, 而家d工要求好高,
佢達唔到人地既requirement, 出番黎要做番entry level, under $10k 佢唔得, 但係over 10k 又要shift 又要返6day 太辛苦….佢屋企人更話, 佢重新黎過太遲, 年紀又唔細, 見佢又唔係做得有成就, 穩穩定定咪幾好, 又話佢咁大個人事業同感情都冇乜希望, 都唔知點算
呢番說話佢已經同我講左一個月, 佢仍然在磨爛蓆
我不喜歡拖泥帶水, 如果係我, 沒有負擔, 未結婚, 冇小朋友, 又唔使養家的話, 絕不會為11k, 等每年加1000人工 而成為人民公敵, 有咩唔可以再黎過!!點解唔肯出去捱??做咩事搞到好似冇左呢份工就咩都冇咁?
呢位朋友曾經狠批我英文爛, 外國畢業有乜咁巴之閉, 又唔係名校, 曾經響我剛出黎做緊七千蚊份工時, 同我講搵份工過10k有幾難, 大把人請佢, 3年後既今天佢竟然同我講出呢番說話, 我真係覺得神奇過做戲, 突然之間感激我沒有太易得到一份工, 可能因為擁有太好所以怕失去, 亦可能我比較沒負擔, 所以可以括出去, 我老闆講得o岩, 人上左高位好難落番黎…希望早日脫苦海
1. Never say never
2. 今日風流, 聽日可能唔同光景
3. 凡事不可以去太盡, 不然可能要付上相當既後果
同志們, 共勉之

ok..another blog…i am not giving up this time…

Ok, yeah..i am starting again…

What is the reason of blogging?

For me….i have so much to complain about, but nobody listens to me….

and…everyone senses my anger , depression…

For the sake of world peace, i am going to express my emotions through writing…rather than doing something anti-social such as setting my office on fire…:p

Hello world!

Welcome to WordPress.com. This is your first post. Edit or delete it and start blogging!