胡琳唱黎明oh夜

…聽人講佢會去胡琳演唱會, 心諗…胡琳好少歌架wor…上網search下, 原來佢翻唱四大天王既歌…唱左我偶像黎明既oh夜…首歌而家聽番好惡頂

但係重新編曲後, 加埋胡琳演繹..真係好正!!!

點解最近唔開心??

我都唔知, 可能係我不安於現狀既因子又發作, 覺得好悶, 又冇朋友…為左乜…..

見到舊同事搵到好工, 真係戥佢開心….又想去番多姿多彩既生活……

每日對住咁既人, 咁窄既環境….我心胸眼光都變得好窄….完全唔係我本來咁…..

我想出去….!!!幾時可以走出呢個監獄??????

除左三高剩女, 仲有三低剩女

“【經濟日報專訊】「男婚女嫁」在近代來說似乎已不合時宜，婚姻觀念愈來愈薄弱，不婚、離婚數字與日俱增，令社會結構出現不少變化。本報將一連數日，探討在新婚姻時代中社會出現的問題、衍生的困難及出路。

港男港女因「公主病」和「電車男」令雙方各走各路，初婚年齡愈推愈遲的同 時，據統計處數字顯示，去年本港「剩女」大軍突破30萬，她們不是不想嫁，而是未遇上那個「他」，其中三高「黃金剩女」（即高學歷、高收入、高職位）特別 難找「鑽石剩男」；有剩女積極參加「極速派對」、報讀MBA，甚至送花追男仔，只為擺脫「剩」行列。

 

有條件男人 一早結了婚

「剩女」意指30歲以上單身女性，隨著本港女性教育程度及收入增加，港「剩女」人數不斷壯大。統計處去年數字，35至44歲從未結婚的女性有 12.5萬人，較96年的6.71萬人，大升86%，45至54歲的升幅更驚人，去年有6.99萬人，較96年1.4萬人飈升近3倍。

35至44歲未婚女 14年升86%

在某上市公司任高級副總裁的會計師公會理事趙麗娟（Susanna）年逾40，絕對是單身貴族，她一語道破「黃金剩女」多的原因：「有條件的男人一早結了婚，現在職業女性經濟獨立，除非拍拖比目前狀況更好，否則對方是一個負累和包袱，勉強走在一起很辛苦！」"

 

乜野係三低剩女, 就係即低學歷、低收入、低職位 連帶其他缺憾…..呢個群組, 我更加留意, 因為佢地俾三高剩女慘好多, 如果一個女仔, 冇咩學歷,冇咩收入, 工作亦冇前景, 加上年紀漸大, 響職場上, 生產力同存在價值都唔夠人撼時, 佢地會好快俾人淘汰…因圈子限制…難以結識異性….極大可能成為人又冇錢又冇既姑婆…

我既前同事係一個例子, 中五畢業, 月入7000, 每年加500, 冇得升…冇乜積蓄加欠下卡債…..

有好多呢類女仔, 收工冇咩做, 行街shopping, 買呢樣買果樣, 經常碌爆卡, 每個月頭都係找緊卡數, 冇男朋友, 冇咩娛樂, 冇進修,對周邊既野不感興趣. 如果冇左份工 點算???曾經勸佢好多次, 唔好買衫, 做facial, 用d錢黎進修下….找清卡數唔好還min pay….人似乎冇辦法改變自己習慣…..睇住佢, 我真係覺得……..好多野自己可以選擇….

希望佢可以開心生活,唔再感覺空虛…

至於三高….唉….唔使為生活奔波…..過下優質生活都幾好…..有得必有失既..呢個世界邊有咁完美???算啦!!!

我係唔會放棄架!!!

係時候down完, 繼續努力捱落去!!!!!!!!!!!!

多謝我身邊所有人支持我，　多謝男朋友幫我搵師兄，輔導我，　聽左師兄講真係放開左

佢話
１。根本好小事，　唔係乜挫折
２。你而家走左，　第日個project又起番，　人地咪冷手執個熱煎堆
３。整你既人根本唔會害到你，　小心就可以
４。而家番屋企係舒服，　但係你唔會成長！

多謝師兄點醒，　我咁小挫折都捱唔過，點會成長？？我未達到目的我係唔會返去架！！！我要忍耐！！！

多謝daddy尋晚話，＂我從來都覺得你做乜都得，　只係有冇心做，　你只係唔定性＂

好感動，原來屋企人係對我咁有信心，　你要等我磨鍊好，　我一定會幫到你地，　唔好令你地咁辛苦